ريال مدريد ينجز صفقة أرجنتينية
اقترب نادي ريال مدريد من إنجاز صفقة جديدة خلال فترة الانتقالات الصيفية الجارية، على حساب عدد من كبار أوروبا.
ودخل ريال مدريد في سباق مع باريس سان جيرمان وبعض الأندية الكبرى للفوز بخدمات لاعب الوسط الأرجنتيني فرانكو ماستانتونو
ونقلت شبكة بليتشر ريبورت عن وكالة رويترز نجاح ريال مدريد في حسم الصفقة لصالحه اليوم الخميس.
في بيان مفاجئ نادي ريال مدريد الإسباني أعلن النهاردة إنه خلص اتفاقه مع لاعب جديد
والكل دلوقتي بيحاول يعرف مين النجم اللي هيكون جزء من الجيل الذهبي الجاي في النادي الملكي
لسه تفاصيل الصفقة كاملة ما ظهرتش بس اللي واضح إن إدارة مدريد ماشية بخطة ثابتة بعد
التتويجات الأخيرة وبتشتغل على بناء فريق مرعب للمستقبل
الولد ده يا جماعة ماستانتونو، وده مش أي لاعب الولد وهو لسه مراهق، لعب لحد دلوقتي 61
ماتش مع الفريق الأول في ريفر بليت، وسجّل 10 أهداف
يعني بيشارك بانتظام ومعاه ثقة وبيقدّم مستوى يخلي أي مدرب يطمع فيه
سكالوني قاله تعالى عندنا يا موهوب
علشان تعرف قد إيه الولد ده جامد، ليونيل سكالوني مدرب منتخب الأرجنتين
الأول استدعاه رسميًا علشان يشارك في تصفيات كأس العالم 2026 قدام تشيلي وكولومبيا
يعني ريال مدريد ما جابش موهبة وخلاص لأ ده جاب مشروع نجم عالمي جاي في الطريق!
بيريز بيجهّز فريق المستقبل
واضح إن ريال مدريد شغّال على الجيل الجاي بعد ما فريق الشباب الحالي نجح جامد
وكل يوم بيضم مواهب صغيرة وموهوبة… والصفقة دي أكبر دليل